സാള്‍ട്ട് ആന്റ് പെപ്പര്‍

| Posted in | Posted on

2



സവിശേഷതകള്‍ ഏറെയൊന്നും അവകാശപ്പെടാനില്ലാത്ത ഒരു മലയാള ചിത്രം. എന്നാല്‍ സവിശേഷതകള്‍ ഏറെയുള്ള ഒരു ചിത്രം. സമീപ കാലത്ത് മലയാളത്തില്‍ പുറത്തിറങ്ങിയ  ചിത്രങ്ങളില്‍ ഏറെ വ്യത്യസ്തമായ ഒരു ചിത്രം. സംവിധാന മികവുകൊണ്ട് ഈ ചിത്രം ഏറെ ശ്രദ്ധപിടിച്ചു പറ്റിയിരിക്കുന്നു. ആഷിക് അബുവിന്റെ രണ്ടാമത്തെ ചിത്രമായ സാള്‍ട്ട് ആന്റ് പെപ്പര്‍ ഇതിവൃത്തംകൊണ്ടും സംവിധാന രീതികൊണ്ടും മറ്റു ചിത്രങ്ങളില്‍ നിന്നും വേറിട്ട്‌  നില്‍ക്കുന്നു.




ആദ്യരംഗത്തില്‍ ക്ലാസിലിരുന്ന് ഒരു കുട്ടി പുളി കടിക്കുന്ന രംഗമുണ്ട്. തീയറ്ററിലിരിക്കുന്ന സര്‍വ്വരുടേയും നാക്കില്‍ അപ്പോള്‍ ഒരു പുളികടിച്ച അനുഭൂതിയായിരുന്നു. ഒരുപക്ഷേ, മലയാള സിനിമയില്‍ ഇന്നേവരെ ആരും പരീക്ഷിക്കാത്ത ഒന്ന്. ഒരുപക്ഷേ, ഈ പരീക്ഷണമാവും ചിത്രത്തിന് ദോഷകരമായി ഭവിച്ചത്. ബോക്‌സ്ഓഫീസില്‍ ചിത്രം പരാജയമാണ്. വലീയ തിരക്കുകളോ, തള്ളലോ ഇല്ലാതെ ഈ ചിത്രം ഇഴഞ്ഞു നീങ്ങുകയാണ്. നല്ല ചിത്രങ്ങള്‍ക്ക് എന്നും ബോകേ്‌സാഫീസില്‍ കനത്ത തിരിച്ചടിയാണ്. അത്തരത്തില്‍ അവസാനം കണ്ണീരുമായി പോയ ചിത്രമായിരുന്നു ശ്രീനിവാസന്‍ അഭിനയിച്ച 'ആത്മകഥ'.




കാളിദാസനും മായയും ചിത്രത്തിലെ കേന്ദ്ര കഥാപാത്രങ്ങളാണ്. രണ്ടുപേരും വിവാഹ പ്രായം കഴിഞ്ഞ് വിവിധ മാനസിക ഫ്രസ്‌ട്രേഷനുമായി കഴിയുന്നവര്‍. എന്നാല്‍ രണ്ടുപേരും നല്ല ഭക്ഷണ പ്രീയരുമാണ്. ഇവരുടെ ആഹാരപ്രിയം അവരുടെ പരസ്പര പ്രണയത്തിനും തുടര്‍ന്നുള്ള ജീവിതത്തിനും വഴിയൊരുക്കുന്നു. അതിമനോഹരമായി ആഹാരത്തിനുള്ള പങ്ക് സംവിധായകന്‍ വരച്ചു ചേര്‍ത്തിരിക്കുന്നു. ഇതില്‍ കാളിദാസന്റെ ബന്ധുവായി മനു എന്ന കഥാപാത്രത്തെ ആസിഫലി അതരിപ്പിക്കുന്നു. 
അതുപോലെ മായയുടെ ബന്ധു മീനാക്ഷിയായി മൈഥിലിയും. രണ്ടുപേരും സാമാന്യം നന്നായി തങ്ങളുടെ കഥാപാത്രങ്ങളെ അവതരിപ്പിച്ചു. ഇരുത്തം വന്ന രണ്ട് പേരാണ് ലാലും ശ്വേതമേനോനും. ഇരുവരും തങ്ങളുടെ കഥാപാത്രങ്ങളെ പരമാവധി നന്നാക്കിയിട്ടുണ്ട്. 




സാധാരണ സംസാരിക്കുന്ന രിതിയിലുള്ള ഇതിലെ ഡയലോഗ് ഏറെ ശ്രദ്ധ പിടിച്ചു പറ്റുന്നു. ഏതാണ്ട് ഒരു സീനിനു വേണ്ടുന്ന സമയം സാധാരണ അത്തരം കാര്യങ്ങള്‍ക്ക് വേണ്ടുന്ന സമയം തന്നെ എടുത്തു ചിത്രീകരിച്ചതിനാല്‍  ചിത്രം പതുക്കെ നീങ്ങുന്നു എന്നൊരു പരാതി സാധാരണക്കാരനുണ്ട്. അതുകൊണ്ടാവാം ചിത്രത്തിന് തിരക്കില്ലാത്തത്. 




നല്ലരീതിയിലുള്ള ക്യാമറയാണ് ഷൈജു ഖാലിദിന്റെത് എന്ന് തെളിയിക്കുന്നതാണ് 'സാള്‍ട്ട ആന്റ് പെപ്പര്‍'. ബിജിബാലിന്റെ നല്ല ഗാനങ്ങളും ചിത്രത്തിന് മിഴിവേകി.  ഏറെ വ്യത്യസ്തമായി മലയാള സിനിമകള്‍ നിര്‍മ്മിച്ചാല്‍, ഇനി അതെത്ര നല്ലതാണെങ്കില്‍ കൂടി മലയാളി പ്രേക്ഷകര്‍ അതിനെ സ്വീകരിക്കില്ല. എന്താണാവോ കാരണം...?

Comments (2)

നല്ല ചിത്രങ്ങള്‍ വിജയിപ്പിക്കാന്‍ താങ്കളെ പോലെ, ബ്ലോഗ്‌ എന്ന സമാന്തര മാധ്യമത്തെ ഉപയോഗിക്കുന്നവര്‍ ഇനിയും മുന്നോട്ടു വരട്ടെ....... ആശംസകള്‍

thank you is...mail

Post a Comment