മാണിക്യകല്ല്
| Posted in | Posted on
3
മാണിക്യകല്ല്
കഥപറയുമ്പോള്‍ എന്ന മികച്ച ചിത്രത്തിനു ശേഷം എം. മോഹന് അണിയിച്ചൊരുക്കിയ മാണിക്യകല്ല് സാമാന്യം നല്ല വിജയം നേടി എന്നു പറയാം. പൃഥ്‌വിരാജ് എന്ന സൂപ്പര്‍ യുവഹീറോയെ തികച്ചും സാധാരണക്കാരനായി അവതരിപ്പിക്കാന്‍ എം.മോഹന് കാണിച്ച ധൈര്യത്തെ സമ്മതിക്കണം. കാരണം, പൃഥ്‌വിരാജ് സാധാരണക്കാരനായി അഭിനയിച്ച മിക്ക മുന്‍കാല ചിത്രങ്ങളെല്ലാം അമ്പേ പരാജയമായിരുന്നു. അതില്‍ കുറച്ചെങ്കിലും പേരെടുത്തത് പത്മകുമാര്‍ സംവിധാനം ചെയ്ത വാസ്തവമാണ്. അതില്‍ പൃഥ്‌വരാജിന് സംസ്ഥാന അവാര്‍ഡും ലഭിച്ചു.
ആദ്യ സിനിമയുടെ കഥ/തിരക്കഥ എന്നിവ സ്വന്തം അളിയനായ ശ്രീനിവാസന്‍ ചെയ്തതിനാലാണ് ചിത്രം നന്നായത് (കഥപറയുമ്പോള്‍) എന്നൊരു ചീത്തപ്പേര് എം.മോഹനന് ഉണ്ടായിരുന്നു. എങ്കിലും നാലഞ്ചു വര്‍ഷം കാത്തിരുന്ന് ചെയ്ത മാണിക്യകല്ല് കമേര്‍ഷ്യലായി വലിയ വിജയം സമ്മാനിച്ചില്ലെങ്കിലും അതിന് ഒരു നല്ല ചിത്രമെന്ന പേര് നേടുവാനായി.
വര്‍ഷങ്ങളായി വിവിധ ഭാഷകളിലായി പറഞ്ഞു വന്ന ഇതിവൃത്തം ഇന്നത്തെ കാലത്തിനൊത്ത് അണിയിച്ചൊരുക്കാന്‍ എം. മോഹന് സാധ്യമായി എന്നതും വലിയൊരു വിജയമാണ്. ചിത്രത്തില്‍ അസാമാന്യമായ സംവിധാനപാടവമൊന്നും എടുത്തു പറയാനില്ലെങ്കിലും സാമാന്യം ഭേദപ്പെട്ട തിരക്കഥയായിരുന്നു ചിത്രത്തിന്റേത് എന്നതില്‍ പ്രത്യേകിച്ച് തര്‍ക്കമൊന്നുമില്ല. ചിത്രത്തിലെ നായികയായ സംവൃതാ സുനില്‍ വളരെ അഭിനന്ദനീയമായ പ്രകടനമാണ് കാഴ്ച വെച്ചത്. മറ്റു കഥാപാത്രങ്ങളെ അവതരിപ്പിച്ച ജഗതി, ഇന്നസെന്റ്, സലീംകുമാര്‍ എന്നിവരും നല്ല പ്രകടനമാണ് കാഴ്ചവെച്ചത്. എം. ജയചന്ദ്രന്റെ, ഹൃദയത്തില്‍ തട്ടുന്ന ഗാനങ്ങളും പി. സുകുമാറിന്റെ നല്ല ഫോട്ടോഗ്രഫിയും ചിത്രത്തിന് കൂടുതല്‍ മിഴിവേകി.
നല്ല ജീവിതാംശമുള്ള കഥയാണ് മാണിക്യകല്ലിന്. ചിത്രത്തിന്റെ പേര് കുറച്ചുകൂടെ അനുയോജ്യമായ ഒന്നാക്കാമായിരുന്നു എന്ന് ഒരഭിപ്രായം പലര്‍ക്കുമുണ്ട്. ശരിയാണ്, ഉള്ളതില്‍ ഏറ്റവും നല്ല മനുഷ്യന്‍, അവന്‍ ഒരു മാണിക്യകല്ല് എന്നര്‍ത്ഥമായിരിക്കും ചിത്രത്തിന്റെ ഈ പേരുകൊണ്ട് ഉദ്ദേശിച്ചത്. എങ്കിലും ഗ്രാമീണ പശ്ചാത്തലവും, നിഷ്‌കളങ്കമായ ഇതിവൃത്തവും ഈ ചിത്രത്തിന് നല്ല പേര് നേടിക്കൊടുത്തു.
ഏതു രക്ഷിതാക്കള്‍ക്കും, അധ്യാപകര്‍ക്കും 'മാണിക്യകല്ല് പോയി കാണെടാ'.. എന്ന് കുഞ്ഞുങ്ങളോട് പറയാന്‍ കഴിയുന്ന കലാമൂല്യമുള്ള ഒരു നല്ല ചിത്രമായി ജനങ്ങള്‍ ഇതിനകം ഇതിനെ സ്വീകരിച്ചു കഴിഞ്ഞു. പക്ഷേ, ബോക്‌സ്ഓഫീസ് രംഗത്ത്, ഈ ചിത്രത്തിന്റെ നില വളരെ പരിതാപകരമാണെന്നാണ് അറിവ്.
ഇവിടെ ആദ്യായിട്ടാ ഞാൻ............
മുകേഷ് ഈ സിനിമയില്‍ എവിടെയാണ് ഉള്ളത്.ഒന്ന് പറന്നു തരാമോ .ഓര്‍മയില്ല അത് കൊണ്ടാ
Hmmm....Ithil Saykumarinte Role Entharunnu?
Story nallathu....But, Kulamaakkeennu paranjamathi...